Përbërësit Persona
| 10 | Vezë |
| 12 lugë | Kos |
| 1 gotë uji | Qumësht |
| 1 majë luge | Sodë |
| Kripë (në majë të gishtrinjëve) | |
| 750gr | Gjalpë (gjalpi shkrihet dhe vlon gjersa të shtresohet shkuma dhe të mbetet gjalpë i pastër pa ujë dhe shkumë) |
| Sherbeti: | |
| 2-3kg | Sheqer |
| 1-1/2l | Ujë |
| 1/2 | Limon |
| 1 | Sheqer vanilje |
| Arra të copëtuara |
Përgatitja
Hapi 1
10 të verdhat dhe 1 e tërë e vesë tunden mirë me tel kuzhine. Shtohen kosi, qumështi dhe vaji duke e përzier edhe më tutje, gjersa masa të bëhet e njëllojtë.
Hapi 2
Shtohet gradualisht miell duke e përzier me lugë, gjersa masa të marrë trashësinë e brumit shumë të butë. Ngjeshet edhe pak në tavolinë të përmillur, duke patur kujdes që brumi të gatuhet mirë dhe të mbetet i butë.
Hapi 3
Brumi ndahet në 60-70 kuleç. Rriten kuleçët në madhësi të pjatës së ëmbëlsirës dhe duke i hedhur çdonjërit nisheste, vendosen nga 6 njëri mbi tjetrin.
Hapi 4
Hollohen nga dy kuleç përnjëherë në petë të hollë, në madhësi të tepsisë së rrumbullakët, duke ju hedhur vazhdimisht nisheste, në mënyrë që të hapen më lehtë. Nga 6 petë njëra mbi tjetërën vendosen në çarçaf të pastër. Pasi të hollohen të gjitha petët, vendosen në tepsi duke i spërkatur me gjalpë.
Hapi 5
Arrat hidhen në mes, ose në dy rradhë. Priten petët përreth tepsisë. Bakllava pritet në delima, ose sipas dëshirës në mes hëna dhe pastaj në delima. Gjalpi i shkrirë hidhet me lugë nga të gjitha anët njëllojë.
Hapi 6
Piqet në temperaturë 130°C gjersa të skuqet në brendi dhe njëlloj sipër. Bakllava e ftohur përvëlohet me sherbet valë. Mbulohet dhe 24 orë pas,mund të shërbehet.
Hapi 7
Sherbeti: 2,1/2-3 kg sheqer, vlon me 1,1/4 -1, 1/2 litër ujë. Shtrydhet ½ limoni dhe hidhet në sherbet. Pas çastit të vlimit, vazhdon të vlojë 7 minuta në zjarrë të mesëm duke ia shtuar edhe sheqerin vanilje. Largohet nga zjarri, hidhet 1 filxhan kafeje ujë i ftohtë, përzihet mirë dhe me sherbetin valë, përvëlohet bakllavaja e ftohur.