Përbërësit Persona
| 1 | Bibë (3-4kg) |
| 70gr | Gjalpë |
| Kripë | |
| Piper | |
| 1 | Qepë |
| 2dcl | Verë e kuqe |
| 1 | Lakër e kuqe turshi |
| 150gr | Gjalpë |
| 2 | Qepë |
| Proshutë e tymosur | |
| 1 | Spec i kuq i djegës ose specall me fara |
Përgatitja
Hapi 1
Biba e pastruar kriposet brenda dhe jashtë. I hidhet piper dhe lyhet me 70 gr gjalpë brenda, nën lëkurë aty ku mund të depërtojë dora dhe jashtë gjithashtu.
Hapi 2
Vendoset në tepsi ku do të piqet të lyer me yndyrë dhe përreth një qepë e prerë në disa pjesë. Futet në furrë të nxehtë me temperaturë 250 gradë celsius. Pas 20 minutash ulet temperatura në 180 gradë celsius, mbi bibë derdhet vera,vazhdon pjekja e ngadalshme për edhe afro 3 orë. Kohë pas kohe laget me lëngun të cilin e lëshon gjatë pjekjes dhe mire është të kthehet me kujdes në anën e kundërt, në mënyrë që të jetë e lëngshme në brendi dhe atë nga të gjitha anët. Nëse ka nevojë, shtohet nga pak ujë.
Hapi 3
Pasi të jetë pjekur dhe skuqur mirë, biba largohet nga furra dhe pas 20 minutash mund të pritet. Mishi i bardhë mund të pritet në thela dhe shërbehet veçan në pjatë me lëngun në të cilin është pjekur, ose ndonjë salcë të
përgaditur sipas shijes.
Hapi 4
Variant (Garnitura):
1 lakër e vogël turshi e prerë shumë imët (në mungesë, lakër e kuqe+2 lugë uthull), 2 qepë, 100 gr. gjalpë, 1 spec i kuq djegës ose biber me fara djegës, piper i zi e i kuq, një copë përshutë e tymosur. Fërgohet qepa, shtohet lakra me artikujt e lartpërmendur për t'u zier gjersa të zbutet dhe të shterret lëngu. Në enë ku është pjekur biba, pasi të jetë larguar biba, derdhet lakra e zier, përzihet mirë dhe mbi të vendoset biba e pjekur, për të vazhduar pjekja edhe 30 min. në shkallën e ulët të furrës. Në këtë rast, duhet patur kujdes në kriposje, pasiqë edhe lëngu të cilin e lëshon biba gjatë pjekjes është i njelmët, por edhe lakra turshi.