Përbërësit Persona
| 600-800gr | Pjesë e mesit të biftekut |
| Rozmarinë | |
| 10 | Kokrra piper |
| 1dcl | Konjak |
| 250ml | Ajkë qumështi |
| Vaj | |
| Kripë | |
| Gjalpë me erëza | |
| Perime sipas dëshirës | |
| Mëlmesa perimesh (vegetë) |
Përgatitja
Hapi 1
Pritet mesi i biftekut në tri copë trashësie 5-6 cm. Kriposen, piperosen, u hidhet vegetë. Lidhen me penjë në mes në mënyrë që ta ruajn lëngun gjatë skuqjes.
Hapi 2
Fërgohen nga të dyja anët nga 5-8 min. Në fillim zjarri duhet të jetë më i fuqishëm, pastaj ulet pak temperatura.
Hapi 3
Në fërtetere me biftek, shtohet një degë ruzmarini dhe disa kokrra piperi të cilat më parë ulen në ujë, kullohen dhe shtypen pak.
Hapi 4
Pasi të skuqen biftekët, hidhet 1 dcl konjak me përqindje të lartë alkooli dhe ndizet flakë. Pasi të avullojë alk. hidhet ajkë qumështi gjer në gjysëm të biftekëve. Hidhet pak kripë dhe veget, e sa të krijohen fluskat në ajkë, ajo është e gatshmepër t'u shërbyer.
Hapi 5
Për person shërbehet nga një copë biftek me një copë gjalpë sipër dhe patate të skuqura. Në ndërkohë priten në rrathë patatet e ziera të cilat do të skuqen në yndyrë.
Hapi 6
Gjalpi i zbutur tundet me mikser me majdanoz, nane e ruzmarinë dhe hollohet e futet në friz. Gjalpi pastaj pritet me modeleta për tu vendosur mbi biftek.