Përbërësit Persona
| 1kg | Miell |
| 1/2l | Qumësht |
| 3 | Vezë |
| 125ml | Vaj |
| 1-2 lugë | Sheqer |
| 1 lugë e mesme | Kripë |
| 1 qeskë | Sheqer vanilje |
| 2 qeska | Tharmë buke |
| 100gr | Gjalpë |
Përgatitja
Hapi 1
Ulet tharmi në ½ gotë qumësht të vakët (merret nga masa e qumështit) me 1 lugë miell dhe pak sheqer. Zinet brumi me përbërësit e shënuar, përpos gjalpit dhe 1 veze.
Hapi 2
Brumi ngjeshet në tavolinë të përmillur, pastaj vendoset në enë ku është zënë, lyhet me një lugë vaj dhe i mbuluar qëndron në vend të vakët afro dy orë.
Hapi 3
Brumi i ardhur ngjeshet pak, pastaj ndahet në dy pjesë. Njëra pjesë e brumit ndahet në pesë kuleç. Kuleçët hapen sa tepsia ku do të piqet pogaçja.
Hapi 4
Lyhen me gjalpë 4 kuleç, i pesti nuk lyhet, por i mbulon edhe anash të tjerët. Vendosen në tepsi dhe priten në tetë pjesë, duke i lënë skajet afro 2 cm të pa prera. Pjesët e prera përvilen nga mesi, deri në skaj të tepsisë duke formuar kështu petale lulesh.
Hapi 5
Nga brumi i dytë, ndahet një topth brumi për mes, kurse pjesa tjetër pritet në 5 kuleç dhe veprohet njëlloj sikurse me brumin e parë. Petët e lyera vendosen në mesin e zbrazët të tepsisë dhe priten në tetë pjesë, por prerja bëhet në mes të petales së përvjelur.
Hapi 6
Edhe këto 8 pjesë të prera përvilen në mes të petaleve të mëparshme. Në mes vendoset brumi i gjashtë, i cili e formon lulen.
Hapi 7
Pogaçja mbulohet me pecetë për 30 min. pastaj lyhet me vezë, mbi i hidhet susam dhe futet në furrë të nxehtë me temperature 200 gradë celsius. për t'u pjekur për afro 30-35 min.